Agenda

Hurrengo apirilaren 2an, domeka, 3.000 pertsona inguru elkartuko dira Portugaleten (Bizkaia) eskultismoak Bizkaian betetzen dituen 50 urteak ospatzeko, Euskalerriko Eskautak Bizkaia federazioa dela medio.

Jai egun honek goizeko lehen orduetan izango du hasiera eta bertaratutako pertsonek hainbat ekintzatan parte hartzeko aukera izango dute.

Jaiak 11.00etan izango du hasiera 8 eta 18 urte bitarteko haur eta gazteentzako hainbat ekintzarekin:

• Txikienek aldibereko 19 “betiko” jolasen gyncana izango dute.
• 12 eta 14 urte bitarteko haurrek hiribildutik ingurumen-ibilbideak egingo dituzte hamaika proba eginez eta natura-espezieak bilatuz;
• 15–16 urteko gazteek kanpamentuetan egiten diren ohiko “eraikuntzen” txapelketan parte hartuko dute: jantokiak, mahai tresnak gordetzeko tokiak, mahaiak, bankuak,…
• 17 eta 18 urtetakoek eurek proposatutako gaiak landuko dituzte hala nola; emakumearen irudia jendartean, kultura aniztasuna edota aniztasun funtzionala.

Guzti honetaz gain, gurasoak eta begirale ohiak denboran bidaia egingo dute Portugaleteko leku adierazgarrienetatik Euskalerriko Eskautak Bizkaiaren historia ildo izanik.

Behin goizeko tartea amaituta, Eukaristiaren txanda izango da 13.00tan, bazkari herrikoia jarraian izanik.

Bazkalondoan, bertaratutakoek malabarismo ikuskizunaz disfrutatzeko aukera izango dute 15.30etan, eta eguna amaitzen joateko adin guztientzako ohiko erromeria egongo da 17.45ak arte.

Egun osoan zehar, txosna eta merchandaising denda zabalik egongo da.

Oso ondo pasa, Zorionak eta beti prest!