Agenda

ASTIALDI KONGRESUA 2018. Urrian izango da. Astialdi hezitzaileari buruzko nazioarteko I. kongresua: inklusioan aurrera eginez, 2018ko urriaren 19 eta 20an burutuko da Barakaldon. Universidad del País Vasco/Euskal Herriko Unibertsitateak eta Euskal Herriko haur, nerabe eta gazteekin gizarte esku-hartzean eta aisialdi hezitzailean diharduten erakundeen sarea, ASTIALDI SAREAk, antolatu dute, Eusko Jaurlaritzako Enpleguko eta Gizarte Politiketako Sailaren laguntzarekin. Elkarrekin hausnartu, solastu eta eraikitzeko gonbita da ASTIALDI KONGRESUA 2018.

Deialdi honetako egitarauan jasotako hitzaldi, solasaldi, komunikazio, esperientzia eta sinposioetan, lau ardatzetan antolatutako galderak landuko dira ikuspegi akademiko, zientifiko, politika publiko eta eskuhartze sozio-hezitzaileetatik begiratuta:

• Zer ekarpen egiten dio Euskal Herriko hezkuntzak astialdiari: pertsona, komunitate, kolektiboak, elkarte eta herrialdearen garapenean? Zer gehitu dezake?
• Zeintzuk dira erronka, desafio eta proposamenak gizarte inklusibo eta aukera-emailea eraikitzeko? Mehatxuak eta zailtasunak?
• Zein testuinguru sozial, ekonomiko eta politiko kulturalean garatzen dira ekimen eta zerbitzu anitzak? Zeintzuk dira aintzat hartu beharreko gako esanguratsuak?
• Nola egin aurrera euskal politika publikoetan proiektuok eta beraien ekarpenak indartzeko?

Nori zuzendua:

• Astialdiko elkarte eta zerbitzuei: eragile hezitzaileak eta zuzendaritza taldeak (bolondres zein soldatapekoak).
• Herrietako, aldundietako zein erkidegoko Administrazio publikoei: politikari zein teknikariak.
• Hezkuntza zein Gizarte Zientzien arloko Unibertsitateko irakasleria zein ikasleriari.
• Hirugarren Sektoreko elkarteei eta erakundeei.
• Gizarte eta hezkuntza proiektuekin lotutako agente eta entitateei.
• Zerbitzu sozio-hezitzaile eta kulturaleko enpresei.
• Herritarren ordezkariei, hala nola, herrietakoak, lurraldekoak, EAEkoak, gizarte politiketan erantzukizuna duten alderdi politikoetakoak, hezkuntzakoak, haurrekin, nerabeekin eta gazteekin…

Nazioarteko zein estatutako irismenarekin, baina euskal errealitatean kokatuta ASTIALDI KONGRESUA 2018k ikuskera eta kokatze anitzen eraikuntza espazio bat izan nahi du. Hausnarketa eta proposamenak eskaintzeko. Bilduko gaituzten galderak modu argi eta zehatzean erantzuteko. Euskal Herriko astialdi hezitzailea sustatu eta sendotzean aurrera egiteko: pertsona, komunitate, herrialdeen garapenean. Elkarrekin, zurekin.

Laster informazio gehiago; adi sare sozialetan:

Twitter: @AstialdiK

Facebook: Astialdi Kongresua