Uda honetan, Umeak Kalean elkarteak parte-hartzeko, jolasteko eta elkarbizitzarako hainbat espazio eskainiko dizkie haurrei eta gazteei, aisialdi hezigarriarekin eta komunitate-bizitzarekin lotutako proposamenen bidez.
Jardueren artean, Mujika Eskolan egin diren udalekuak daude, 2014 eta 2022 artean jaiotako haurrei zuzenduta. Ekainaren 22tik uztailaren 10era izan dira, eta jarduerez gozatzeko, taldearekin partekatzeko eta uda modu hurbil eta parte-hartzailean bizitzeko aukera eman diete haur eta gazteei.
Gainera, Jatorrak eskaut taldearen kanpamentua egingo da. Bertan, parte-hartzaileek elkarbizitzaz, naturaz eta esperientzia partekatuez gozatzeko aukera izango dute.
Beste uda batez, Umeak Kalean-ek haur eta gazteak laguntzen jarraitzen du, komunitatean ikasteko, parte hartzeko eta gozatzeko espazioak sortuz.
