Aurreko astean Salamanca izan ginen SAFE & PROUD europar proiektuan lanean jarraitzeko, Fundación Plan B eta Mimma Dreams erakundeekin batera.
Topaketa honek proiektuaren bigarren fasearen amaiera ezartzen du. Ikasitakoa elkarbanatzeko aldi garrantzitsua izan da, LGTBIQ+ gazteriarentzako ingurune seguruagoak, inklusiboagoak eta errespetuzkoagoak eraikitzen jarraitzeko aukera eman diguna.
Egun hauek proiektuaren helburuen inguruko hausnarketa eta lankidetzarako gunea izan dira, baita sare-lana indartzeko, erronka partekatuak identifikatzeko eta erantzun hurbilagoak, inklusiboak eta gazteen beharretara egokituak eraikitzen lagunduko diguten proposamenak partekatzeko aukera ere.
Topaketan zehar, lanaren zati handi bat proiektuaren azken emaitza izango den gidan bideratu dugu, edukiak berrikusiz, ekarpenak partekatuz eta LGTBIQ+ gazteekin lan egiten duten erakunde, profesional eta hezkuntza-eragileei laguntzeko tresna batean aurrera eginez.
Kiribil Saretik bereziki baloratzen ditugu nazioarteko lankidetza-gune hauek, aukera ematen baitigute gure begirada zabaltzeko, beste esperientzia batzuetatik ikasteko eta gizarte- eta hezkuntza-ekintza inklusibo, parte-hartzaile eta eraldatzaileago batekin dugun konpromisoa berresteko.
Bereziki, Salamancan jasotako harrera eskertu nahi dugu, baita topaketa honetan parte hartu duten pertsona eta erakunde guztien konpromisoa, inplikazioa eta eskuzabaltasuna ere. Eskerrik asko partekatutako ideiengatik, egindako lan eta lankidetzatik eta elkar zaintzetik abiatuta proiektuari gehitzen jarraitzeagatik.
Topaketa honekin atal garrantzitsu bati eman diogu amaiera, proiektuaren azken fasean sartzen, hurrengo pausoei eta laster Bilbon egingo dugun azken topaketari begira. Aukera berri bat izango da berriro elkartzeko, egindako bidearen emaitzak partekatzeko eta LGBTIQ+ gazteentzako espazio seguruagoak, inklusiboagoak eta diskriminaziorik gabekoak elkarrekin eraikitzen jarraitzeko.
