Uda honetan, Aisibizia indartsu itzuliko da, Getxoko haur eta nerabeei aisialdiaz euskaraz gozatzeko eskaintza zabala eskainiz, sormenez, adiskidetasunez eta dibertimendu handiz. Proposamenen artean, Kukupaka Ludotekako Udalekuak eta Eskubeltz Eskaut Taldeak eta Ziztu Bizian elkarteak antolatutako kanpamentuak nabarmentzen dira.
🎨 Kukupaka Ludotekako Udalekuak (Areeta-Getxo)
6 eta 12 urte bitarteko haurrei (2014 eta 2019 artean jaiotakoak) zuzenduta, ludotekan udan jolasak, tailerrak,dinamika kooperatiboak eta txangoak egingo dira, hori guztia euskaraz eta giro ludiko eta hezitzailean.
📍 Tokia: Erromo Ikastetxea (Gobelaurre 41)
👥 Plazak: 36 txanda bakoitzako
📅 Datak: Ekainaren 23tik abuztuaren 29ra
🏕️ Eskubeltz Eskaut Taldearen kanpamentua
Aurten ere, Eskubeltz Eskaut Taldeak bere udaleku tradizionala antolatu du, elkarbizitza, balioetan oinarritutako hezkuntza eta naturan ondo pasatzeko gunea.
📍 Tokia: Retes de Llanteno (Araba)
📅 Datak: Uztailaren 14tik 26ra
Ia bi astez ingurune natural batean biziko dira, jarduera, ibilbide eta esperientzia ahaztezinekin. Une berezia loturak sendotzeko, taldean hazteko eta eskautismoa ahalik eta gehien bizitzeko.
🛶 Ziztu Bizian: Eskaut kanpamendua
Ziztu Bizian ere energiaz eta haurrentzako proposamenez beteriko uda prestatzen ari da. Aire zabaleko jarduerak, sormen tailerrak, txangoak… eta dibertimendu handia euskaraz!
🌟 Gozatzen hazteko eskaintza
Aisibiziak aisialdi hezitzaileko guneak bultzatzen ditu udaro, non Getxoko haur eta gazteek uda euskaraz eta komunitatean gozatu, ikasi eta, batez ere, bizi dezaketen. Ludotekan, auzoetan edo naturan… uda honetan une ahaztezinak agintzen ditu!
