EGK-k RECacciona bideo lehiaketa abian jarri du "#EGK30aukera, gazteok zenbat?" lelopean. Lehiaketaren laugarren edizio honek gazteek hezkuntzaren inguruan hausnartzea du helburu: zein da gaur egungo gazteen egoera? zer arazori egin behar diegu aurre? nola aldatu da gazteen egoera 30 urte hauetan? zeintzuk dira lehen ematen ziren erronkak eta gaur egun sortzen direnak?

Horrelako galderei erantzuna eman nahi zaie gazteen artean eztabaida sustatu. EGK-k sortzen diren ideia eta ekarpenak zabalduko ditu bai beste gazteen artean, bai gizartean.

Nola parte hartu #EGK30aukera, gazteok zenbat?

RECaccionan Lehiaketan 16 eta 30 urte bitarteko gazteek parte har dezakete, gutxienez, bi pertsonaz osatutako taldeetan. Bideoak bidaltzeko epea ekainaren 4an itxiko da eta formatu guztiak onartuko dira: argazki muntaia, bideo-komikia, dokumentala, ikus-entzunezko poesia... eta edozein gailurekin grabatua ere. Aurkezten diren lanek lau minutuko iraupena izan dezakete gehienez eta euskarak presentzia izan behar du.

#EGK30aukera, gazteok zenbat? RECaccionako sariak

Aurreko hiru edizioetan parte-hartzean, lan prekarietatean eta hezkuntza eta gazteen harremanean sakondu eta gazteon inplikazioa arrakastatsua izan zen. Oraingoan ere horrelakoa gertatzea espero da sariak erakargarriak baitira: 1.000 eta 400 euro gazteon egungo aukera eta erronkekin zerikusia duten proiektuetarako. Ekainean epaimahai batek sarien irabazleak erabakiko ditu eta sari banaketa antolatuko da; Interneten bidez publikoaren saria erabakiko da eta botoa ematen duten guztien artean bidezko merkataritzan gastatzeko 50 euro zozketatuko dira.

Anima zaitezte parte hartzen!

*informazio gehiago: