Lantegietan, bulegoetan, eskoletan,… oporretan pentsatzen dogun bitartean, Argizai Eskaut Taldean adibidez, gabonetarako hainbat ekintza prestatzen daude… azken ukituak emoten.

Alde batetik, Galdakaoko Topagunetan programazio potolo bat antolatu dute:

Tailerrak:

• Giltzarriak eta brotxeak
• Gabonetako postalak
• Artelazkiz egindako gabonetako zuhaitzak (Eskulan hauek guztiak azoka solidarioak janariaren truke aldatzeko erabiliko ditugu)

Sukaldaritza:

• Galletak Olentzero eta mari Domingiren formekin.

Abenduak 20: merkatu solidarioa

• Egindako eskulanak janariaren truke

Abenduak 29:

• Ginkana beldurgarria, 2. Edizioa

Eta beste alde batetik, Argizai Eskaut Taldeak, betiko moduen, urtarrilaren 5ean, herriko Errege kabalgata antolatzen du, Galdakaoko udaletxearen laguntzarekin. 18:00etan Kurtzeko plazan hasiko den ibilbidean, honetan zehar hamaika sorpresa ikusteko aukera izango da hiru Errege Magoekin Bengoetxeko parrokiaraino. Kabalgata hasi aurretik udaletxean eta Bengoetxeko eleizara heltzean, Argizai Eskaut Taldeak eta Galdakaoko Boluntario Giza Elkarteak (GBGE) elikagai bilketa egingo dute. Ibilbidean, Argizaiko gurasoek prestatutako eszena ikusteko aukera izango da; baita Argizaiko umeek antzeztutako Belena. Bengoetxeko Parrokian, Meltxor, Gaspar eta Baltasarrek ume guztien eskakizunak entzungo dituzte eta gutunak jasoko dituzte, alaitasunak giroa betetzen duela. Gainera, bertan, Bengoetxeko Auzokideen Elkartearen eskutik txokolatada bikaina egongo da.

Kabalgata hau, hainbat pertsonen laguntzari esker egiten da: Taldeko ume eta gazteak; monitore talde guztia; gurasoak; monitore ohia;…

Argizai Eskaut Taldeko pertsona guztiei: oso ondo pasa antolatu dituzuen ekintza guztiekin.